Dei Ziehandel op Schüttenfest PDF Drucken E-Mail

 

Freiher wurtent dei Oelper mannichmal verdächtiget, sei müchtent vüer Schüttenfest erre Ziehen verkoupen, ümme richtig fieren te künnen, odder no dn Fien—erdann, ümme te Schulden te betahlen.

 

(Unger uns gesagt: “Et was ouk wat drane.“) Besonders imme twetten Weltkriege un dono was jäide Ziehe en hauge aangeseihn Di—er. Dei durtent sougar Meckere, ohne dat en wat Ariges aangedohn wurte.

 

In me Jahre Niegenti_enhundertniegenunvärtig, as de Lüe sieck langsam von dr Hungersnout ergualtent, abber de Ziehen noch arig geluabet wurtent, satent an me Schüttenfestsunnobend op me Ummerige Väir—er Frönde, Bernhard, Franz, Rudolph un Jousäip met arren Frauen tehoupe. Do wurte schwor gezuppelt:


et was jou viell noteguallen. “Franz“ stichelte op ens dr Bernhard, “dat hält be dn knappen Löihnen din Geldbül nit ut. Abber van de amme Enge bis, kannste mi jou diene Ziehe verkoupen.“

 

Dat süll jou nu blous en Witz sin, abber dr Bernhard mook ouk geren hi un do en kleinen Handel. Dei Ziehe bläif ouk an dn anderen Daan imme Ge— spräke. Et wurte gestichelt un gelachet, bit dr Franz amme Mondaa—Obend saggte,

 

“Nu halt ens endlich dien Mul Bernhard Ieck verkoupe di dat stödige Di—er. “Wat wellte dofüer hänn?“ frogete dei. “Twintig Mark!“ “Biste noch gescheit“?, brummete dr Bernhard, “souvi—el is dine Rebekka nit wert.“

 

“Got“ lenkte dr Franz in, “dann krieste mine Fraue noch dobi.“ Während dr Franz siener Fraue en Ouge knäip, wurte dei Handel met em derben Handschlag beäidiget. In äinigen Daan sull dei Sake int Reine gebracht weren.


“Margen Marrigen abber (Dienstag) treapent wi uns alle tm Freischoppen bi mienem Huse“, sagte dr Bernhard.

 

 

Quelle: Franz Neuhaus, Olpe